Pretpostavljam da ste ispratili – srpski režim AV svim svojim resursima danima progoni Dinka Gruhonjića, prije svega čovjeka, pa onda istaknutog profesora i novinara. Ne pamtim ovakav ostrakizam, dehumanizaciju i prijetnje, odavno.

Srbija je mrak, gotovo nepovratno izgubljeni Mordor, opustošena, militantna i fašizirana moskovska gubernija na Balkanu, predvođena ludacima i kriminalcima, koja uništava svoje najbolje sinove i kćeri. Svaku kritiku toga ludila prati haranga, deršturmerovski medijski pritisak poslije kojeg (naravno!) slijede grafiti s prijetnjama smrću. Još jedan korak i eto prepisani scenario iz ’33.

I biće gore, siguran sam. Zato što je srpsko društvo zarobljeno i otuđeno, uvučeno u paralelnu realnost koja može imati katastrofalne posljedice po balkansku i globalnu sigurnost. Ali i takav režim jednom mora pasti, a srušiće ga upravo ljudi kao Dinko Gruhonjić. Želim da vjerujem da će Srbija nekad biti slobodna zemlja, oslobođena kulturrasizma, radikalnog pravoslavlja, bolesne putinofilije i pansrpskog fašizma. Takva Srbija nam je svima potrebna. S takvom Srbijom bi se svi ponosili. Ali ona je za sad zbilja Tamo daleko.

Zato je naša dužnost pomagati ljude poput Dinka i svih onih koji se bore protiv balkanskog zla No. 1.

Druže Dinko, ne damo te!

(Antena M)